Гэты курс для тых, хто любіць беларускую культуру і марыць навучыцца ствараць уласнымі рукамі ўнікальныя рэчы ў традыцыйных народных тэхніках.
На нашых занятках вы навучыцеся
- Ткаць на бердзечцы, нацягваць аснову, чытаць і складаць схемы, вышываць процягам.
- Вы пазнаёміцеся з тэхнікай ткацтва паясоў на бердзечцы, а таксама старажытнай тэхнікай вышыўкі процягам.
- Вы створыце ўласнымі рукамі пас на бердзечцы і сурвэткі ў тэхніцы вышыўкі процягам!
Для заняткаў спатрэбяцца
- Бердзечка, ніці, нажніцы
- Тканіна, альбо канва, іголка, ніткі мулінэ.
- Нататнік, каляровыя алоўкі.
Будзе магчымасць скарыстацца інструментамі і матэрыяламі вядоўцы курса.
Перыядычнасць заняткаў: 1 раз на тыдзень (чацвер, 16.00). Пачынаем 22 студзеня.
Увага! Час і месца правядзення заняткаў могуць карэктавацца.
Хто праводзіць:
Рэгіна Лавор, культуролаг і музеязнаўца з 24 гадовым стажам працы ў галіне культуры.
Займаюся стварэннем традыцыйных строяў.
Уласнымі рукамі вышыла і пашыла за тры гады больш за 25 кашуль, 7 ручнікоў, выткала 15 пасаў, незлічоную колькасць сурвэтак; шыю андаракі, фартухі.
А таксама пляту саламяных павукоў:)
Мару, каб кожны беларус жадаў і меў магчымасць далучыцца да цудоўнай народнай творчасці.