Гэты курс прызначаны для ўсіх, хто хоча палепшыць свае веды польскай мовы, умацаваць свае камунікатыўныя навыкі, навучыцца размаўляць у найбольш распаўсюджаных і складаных сітуацыях, якія патрабуюць сярэдняга ўзроўню польскай мовы.
На занятках вы навучыцеся карыстацца польскай мовай у розных сітуацыях:
– знаёмства з новымі сябрамі,
– пакупкі,
– пошук кватэры, тэхнічныя праблемы (збоі, абслугоўванне, і г.д.),
– у банку,
– у лекара/аптэцы/бальніцы,
– пошук падпрацоўкі,
– w urzędzie.
Вы пазнаёміцеся (даведаецеся), як працаваць з польскімі вэб-сайтамі (пошук працы, пошук сяброў, пакупкі), сістэмамі (банкі, ахова здароўя) і дзе шукаць дапамогу і падтрымку.
Унікальнасцю курса з’яўляецца акцэнт на рэальных сітуацыях, якія патрабуюць валодання польскай мовай, а таксама павышэння ўпэўненасці ў сабе.
Для заняткаў нам спатрэбяцца ўласны нататнік і ручка або аловак.
Перыядычнасць заняткаў: 7 заняткаў, серада з 16:30 да 18:00, пачатак 21 студзеня.
Увага! Час і месца правядзення заняткаў могуць карэктавацца.
Хто праводзіць: Катажына Рэмбеза – розум аналітыка дадзеных, сэрца і запал настаўніцы.
Нарадзілася ў Польшчы і, акрамя таго, што з’яўляецца носьбітам польскай мовы, свабодна валодае англійскай і рускай мовамі, а таксама валодае беларускай і нямецкай мовамі на сярэднім узроўні.
У 2016 годзе стала часткай Гродзенскага Універсітэта Залатога Веку, дзе выкладала розныя прадметы, у тым ліку польскую мову. У вольны час спявае і з’яўляецца сустваральнікам Міжнароднага хору Варшавы.