Стань часткай каманды Беларускага Універсітэту Залатога Веку

Запрашаем увайсці ў склад каманды Беларускага Універсітэту Залатога Веку ў Беластоку, Варшаве, Гданьску і Ўроцлаве на другі навучальны сезон (верасень, 2026 – красавік, 2027).

Універсітэт Залатога Веку – гэта месца, дзе сталыя беларусы ва ўзросце 55+ засвойваюць сучасныя веды і тэхналогіі, сустракаюцца са “сваімі” людзьмі і знаёмяцца з новымі, адкрываюць для сябе новыя гарады і культуры, захоўваюць сваю беларускасць, ствараюць тое, што цікава ім самім.

Для таго, как Універсітэт развіваўся, нам патрэбныя людзі, якія стануць сэрцам УЗВ у сваім горадзе.

Мы шукаем мясцовых каардынатараў УЗВ у гэтых гарадах, а таксама валанцёраў-асістэнтаў гэтых каардынатараў.

Гэта валанцёрская праца, але яна можа даць вельмі шмат:

• сваю супольнасць — людзей, з якімі цікава і хочацца сустракацца;
• магчымасць рэалізаваць свае ідэі — клуб, сустрэчу, экскурсію, дыскусію, новы праект;
• новыя знаёмствы і сувязі — з удзельнікамі, выкладчыкамі і актыўнымі людзьмі ў іншых гарадах;
• новы досвед — арганізацыя мерапрыемстваў, камунікацыя, праектная праца, digital-інструменты;
•  магчымасць быць часткай вялікай справы, якая аб’ядноўвае беларусаў у розных гарадах Польшчы.
• магчымасць наведваць любыя заняткі УЗВ.
• мець перавагу пры адборы ўдзельнікаў адукацыйных праграм нашай арганізацыі.
• атрымліваць ад нас рэкамендацыі на ўдзел у розных праграмах і конкурсах, пры пошуку працы і г.д.

І вам не трэба рабіць усё самастойна.

У вас будзе каманда УЗВ, агульныя інструменты, падтрымка і калегі-каардынатары з іншых гарадоў.

А што трэба рабіць?

Усё даволі проста. Наша праца пабудавана вакол апісанага ніжэй падыхода:

людзі → ідэі → сустрэчы → супольнасць.

Каардынатар – гэта чалавек, які дапамагае ствараць і падтрымліваць супольнасць УЗВ у сваім горадзе: каардынуе працу мясцовых выкладчыкаў, камунікуе са студэнтамі, партнёрамі, вядзе базавую дакументацыю, наведвае планёркі.

Асістэнты каардынатара – людзі, якія дапамагаюць каардынаваць працу пляцовак УЗВ, курыраваць асобныя накірункі дзейнасці гэтых пляцовак, пісаць пра дзейнасць УЗВ.

Калі гэта вы – калі ласка, запоўніце да 30 жніўня анкету-заяўку. 

Запаўненне анкеты займае каля 10-15 хвілін.

Будзем радыя папрацаваць разам!