Лета з УЗВ: рухайся, дыхай, натхняйся!
Адшумелі выпускныя сустрэчы першага набору нашага Беларускага Універсітэта Залатога Веку ў 4 гарадах Польшчы.
Мы падводзілі вынікі, дзякавалі і натхняліся тым, чаго разам дасягнулі за гэтыя месяцы. І многія з вас шкадавалі, што прыйдзецца развітацца да восені.
Але развітвацца не час – таму мы прапануем новы фармат: Лета з УЗВ!
Лета з УЗВ – гэта сустрэчы і новыя спатканні, уражанні і натхненне.
І самая галоўная задума – праводзіць большасць заняткаў на прыродзе!
Калі вы хочаце трапіць у наш цудоўны дынамічны цягнічок, разам з якім мы будзем рухацца наперад, далучайцеся – прананоўвайце і арганізуйце мерапрыемствы!
Мы толькі падштурхнем і дапаможам, а ствараць цікавыя падзеі ў кожным горадзе будзеце вы самі.
Калі вы хочаце самі нешта арганізаваць – пікнік, падарожжа, экскурсію, заняткі ў парку/на моры і інш., проста пішыце гэта ў вашу тэлеграм групу горада і запрашайце іншых! Ваша актыўнасць, вашы прапановы і супольнасць жыве!
Рухайся, дыхай, натхняйся! – вось галоўны мэсыдж нашага Лета з УЗВ!
Як вам такая ідэя? Хочаце далучыцца? Тады вітаем вашыя прапановы. Усё будзе трымацца на вашай ініцыятыве. Паглядзім, што з гэтага атрымаецца.
Калі вы яшчэ не належыце да нашай супольнасці, але хочаце нешта прапанаваць – пішыце на пошту university.golden.age@gmail.com
